Amalia Diéguez, presidenta de FEDACE: ‘SOS Discapacidade – Unidos polos nosos dereitos’

Artigo extraído da web de FEDACE e escrito pola súa presidenta, Amalia Diéguez.

En España somos 420.000 persoas con Dano Cerebral Adquirido; persoas que tras un ictus, un traumatismo cranial, un tumor ou outras lesións que danaron o noso cerebro, vimos transformadas as nosas vidas para sempre.

As carencias no sistema sociosanitario do noso país limitan a rehabilitación funcional do dano cerebral, restrinxindo a nosa inclusión e participación social. Somos conscientes da crise en que vivimos, pero non entendemos que os seus efectos repercutan en persoas como nós: os recortes aplicados en sanidade e en servizos sociais supoñen un agravio engadido á precaria atención que se nos viña prestando ata agora.

Cremos que os investimentos intelixentes en saúde, inclusión social e en prevención da dependencia son especialmente necesarias en época de crise. Ademais de xerar emprego, promoven a autonomía persoal e reducen custos derivados da dependencia.

Tamén cremos que unha vida salvada merece ser vivida; vivida, ademais, con dignidade. Por iso apoiamos a marcha convocada polo CERMI o próximo 2 decembro en Madrid. Opómonos á perda de dereitos e rexeitamos a exclusión da rehabilitación da carteira básica do Sistema Nacional de Saúde. E queremos que as escasas conquistas logradas para o Dano Cerebral Adquirido se manteñan.

No ámbito sanitario diminúen as derivacións a Centros de Rehabilitación específicos, elimínanse prazas concertadas de rehabilitación de dano cerebral, ou se reduce o custo das mesmas; co que é imposible ofrecer a atención necesaria para lograr unha rehabilitación de calidade e específica. Tamén se impón o copago en axudas técnicas e medicamentos, para unha poboación cunha economía moi debilitada por mor da aparición súbita do dano cerebral.

No espazo sociosanitario, basta recordar que no noso país, e para 420.000 persoas en España con Dano Cerebral Adquirido, existe un só centro de referencia específico na atención ao dano cerebral de carácter público (o CEADAC).

No ámbito social, as asociacións de familias e persoas afectadas ven perigar as poucas axudas que recibían para o seu funcionamento. En moitos lugares, estas entidades supoñen o único apoio para as persoas con dano cerebral e as súas familias. Algunhas destas asociacións conseguiran pór en marcha servizos de atención e inclusión social que tamén hoxe están en risco debido á falta de pagamentos e aos recortes que se producen desde as administracións.

O labor das asociacións tamén está ameazado polas dificultades das familias para facer fronte á elevada porcentaxe de copago. Ademais, reducíronse ou elimináronse as axudas económicas a familias desde a Lei de Promoción da Autonomía Persoal e Atención ás Persoas en Situación de Dependencia, o que aumenta a carga da atención sobre o coidador. E, aínda por riba, recentemente impúxose o ‘tasazo xudicial’, que limita o acceso ás indemnizacións por accidentes de tráfico ás persoas que se vexan na necesidade de pleitear por elas.

Sobran razóns para apoiar esta marcha e para participar dela. Para demostrar que, aínda que cada discapacidade teña as súas necesidades e as súas reivindicacións; todos estamos xuntos en loita polos dereitos do colectivo. Por iso, SOS Discapacidade. Polos dereitos de todos e todas.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s