Descubertos en Salamanca novos avances para o pronóstico de pacientes de ictus

Á esquerda, neuronas apoptóticas; á dereita, neuronas vivas

Á esquerda, neuronas apoptóticas; á dereita, neuronas vivas

Estes avances permitirán facer diagnósticos personalizados a cada paciente en función de diferentes variacións xenéticas

Información extraída de La Gaceta de Salamanca.

O Grupo de Neurobioloxía Molecular do Instituto de Investigación Biomédica de Salamanca (IBSAL), liderado pola investigadora Ángeles Almeida, descubriu novos polimorfismos ou variantes xenéticas na proteína p53, que están relacionados de forma directa cun mellor ou peor pronóstico dos pacientes que sufriron un ictus.

O grupo leva moitos anos traballando no estudo da isquemia cerebral, é dicir, o proceso polo cal sofren as células e que nalgúns casos leva á morte celular. Agora “está metido de cheo” na procura de biomarcadores na p53 e noutras proteínas que sirvan para obter un maior coñecemento de diferentes enfermidades neurodexenerativas, como o Parkinson, Alzheimer ou o ictus.

Os investigadores traballan con cultivos de neuronas e con ratos, pero tamén con pacientes do Hospital Clínico Universitario de Salamanca. Puideron demostrar como a variante da p53 que contén o aminoácido de arxinina ten unha actividade apoptótica maior, o que significa que provoca unha morte celular superior á variante que contén o aminoácido prolina, segúne explicou Almeida a Ical.

Nos pacientes analizados tras sufrir un ictus comprobouse que quen tiñan a variante de arxinina sufrían unha “mortalidade moi superior” a aqueles que non tiñan este polimorfismo, polo que aseguran que non hai dúbida sobre a súa importancia á hora de avanzar nas investigacións.

Tratamentos personalizados
Na actualidade, o Grupo de Neurobioloxía Molecular do IBSAL está analizando as posibles aplicacións destes achados e, aínda que a investigación continúa aberta, Almeida confía en que poderá servir para a elaboración de diagnósticos personalizados en función do pronóstico xenético de cada paciente.

Ata agora, séguese un único protocolo de actuación para todos os afectados por un accidente cerebrovascular, malia que produce unha discapacidade moi alta nalgúns dos casos e non hai un tratamento farmacolóxico eficaz. Tan só se aplican tratamentos trombolíticos e só a unha proporción pequena dos pacientes, en torno a un tres e un cinco por cento, porque o risco de sufrir hemorraxia é moi grande, engadiu a investigadora. Por ese motivo, o obxectivo é continuar traballando nesta liña e poder identificar máis proteínas e polimorfismos que inflúan en todo o proceso para, despois, avanzar en novos tratamentos farmacolóxicos. De feito, avanzou que nun periodo de dous anos esperan identificar outras tres proteínas, que tamén teñen moito que dicir en todo o proceso relacionado coa morte celular.

Ictus
Denomínase ictus a un trastorno brusco da circulación cerebral, que altera a función dunha determinada rexión do cerebro. Trátase da segunda causa de morte, a primeira entre as mulleres. Afecta cada ano a entre 120.000 e 130.000 españois, polo que un de cada seis españois sufrirá un ictus ao longo da súa vida. Deles, estímase que un terzo falecerá, mentres que dos supervivientes da fase aguda, un 60 por cento quedará con secuelas, impedíndolles levar a cabo as súas tarefas cotiás. Castela e León rexistra ao redor de 6.000 novos casos de ictus cada ano.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s