Alimentos para previr o ictus

alimentacionInformación extraída de Stroke Strike.

Hoxe querémosvos deixar un artigo cunha serie de alimentos capaces de axudarnos a previr un ictus. Todos eles conteñen antioxidantes, fibra, vitaminas e minerales capaces de previr os procesos que provocan os ataques cerebrais.

1. Améndoas.

Ademais de vitamina E, magnesio, proteína, fibra, potasio, calcio e fósforo, as améndoas conteñen graxas beneficiosas e fitoquímicos (sustancias desenvolvidas polas plantas ao longo da súa evolución no planeta para defender a súa integridade fronte á oxidación, as pragas e outras ameazas da contorna). Novas investigacións descubriron que as améndoas axudan na prevención da diabetes, controlan as taxas de colesterol e inhiben a absorción de graxas saturadas e hidratos de carbono.

Como incluílas na nosa dieta:

– Espolvoreando améndoas picadas en ensaladas, sopas, salsas.

2. Mazás.

Un estudo de 30 anos de duración, realizado a 10.000 individuos, concluíu que os que máis mazás comen son os que menos risco de ictus teñen. Os fitonutrintes presentes nas mazás xa foran asociados con menor risco cardiovascular. Os novos descubrimentos sinalan que dúas mazás ou un vaso de zume de mazá natural ao día reducen os efectos do colesterol LDL.

Como incluílas na nosa dieta:

– Toma unha mazá no almorzo (axuda a “despexar” o mal alento matinal).

– Asándoas ao forno ou no microondas.

– Picando mazás e acompañando en ensaladas de leituga ou rúcula.

3. Canela.

Púidose comprobar que media cucharada de canela diaria:

1. Reduce os niveis de azucre en diabéticos non dependentes de insulina e normaliza os niveis de azucre nos non diabéticos.
2. Pode reducir os niveis de colesterol LDL e os niveis de triglicéridos.
3. Pode previr a formación de trombos.
4. Axuda a controlar a tensión arterial.
5. Estimula a perda de peso e axuda a controlalo.

Como incluíla na nosa dieta:

– Prepara unha cunca de «café á canela». No caciño da cafeteira, pon media culleriña.

4. Peixe.

Si algún alimento é importante na prevención de ictus, este é o peixe. Existen moitas estatísticas: as persoas que toman polo menos 100 g de peixe dúas ou tres veces por semana reducen o seu risco de ictus nun 30%. As que toman esa ración de peixe polo menos cinco veces por semana redúceno nun 52%. Que ten de bo o peixe? Ademais de excelentes proteínas, contén as preciar graxas Omega-3, que preveñen a formación de trombos. Se o peixe non é o teu, podes considerar o consumo de suplementos de aceite de peixe.

Como incluílo na nosa dieta:

– Nos guisos tradicionais de peixe. Podes engadir atún, bonito, sardiñas en aceite… ás ensaladas, pastas ou arroces.

5. Fariñas integrais.

Moitos estudos indican que cambiar as fariñas brancas por fariñas integrais axuda a reducir os niveis de colesterol. Como a fibra presente nas fariñas integrais evita os picos de azucre (subidas bruscas e acusadas de niveis de glucosa en sangue, seguidas de caídas en picado deses niveis) que xeran as fariñas brancas, tamén axudan a previr a diabetes e a controlar o apetito.

Como incluílas na nosa dieta:

– Cambiando o pan, a pasta, os cereais ou o arroz branco polas súas variedades integrales.

6. Fresas.

Son moi ricas en fitoquímicos, vitamina C, fibra e potasio. Apenas un bol pequeno de fresas aporta o 10% de potasio recomendado ao día. O potasio axuda a controlar a tensión arterial, un dos principais factores de risco de ictus.

Como incluílas na nosa dieta:

– Podes tomalas soas ou con zume, bañadas en chocolate negro fundido ou engadilas a iogures e batidos.

7. Té.

Un estudo de 15 anos con 550 persoas suxire que beber 5 cuncas de té negro ao día (a variedade máis consumida en España) reduce o risco de ictus case nun 70%. Por que é tan beneficioso o té? O segredo está nos seus flavonoides, fitoquímicos con capacidade antioxidante que reducen o risco de formación de trombos.

Como incluílo na nosa dieta:

– En infusións, refrescos de té, en extractos de Camelia sinensis (nome botánico do té) ou utilizar té frío, debidamente sazonado con sal, pementa, etc., para marinar carnes, polo, pavo…

8. Chocolate negro.

Ademais de magnesio, o chocolate negro (rico en cacao) é unha excelente fonte de flavonoides antioxidantes. Un par de onzas de chocolate negro ao día poden reducir o risco de enfermidade cardiovascular e ictus nun 50%, segundo estudos recentes.

Como incluílo na nosa dieta:

– Si queres evitar o exceso de calorías, o mellor é preparar a ración de antemán. Unha forma de tomar chocolate de forma “segura” é rallalo sobre iogures e sobremesas, e ata no café.

9. Tomates.

O licopeno, pigmento que dá a cor vermella aos tomates, demostrou capacidade para reducir o risco de varios tipos de cancro. Agora, un novo estudo demostra que pode previr o risco de ictus. Como? Comprobouse que o licopeno reduce a capacidade antiagregante do sangue e evita así o risco de formación de trombos. Un dato importante: a salsa de tomate contén máis licopeno que os tomates frescos porque este pigmento libérase coa cocción.

Como incorporalos á nosa dieta:

– Preparando guisos con salsas de tomate, e, mesmo, cambiando a maionesa por ketchup (dise que, de todos os ingredientes da hamburguesa, é o máis san).

10. Uvas… e un pouco de viño.

Brancas, moradas, negras; en forma de mosto e ata como viño, as uvas reducen os niveis de colesterol e a capacidade agregante das plaquetas, reducen as probabilidades de que se formen trombos capaces de obstruír as arterias. As uvas son ademais ricas en fibra e en antioxidantes, o que engade máis beneficios para o organismo.

Un estudo de 16 anos con 13.000 persoas realizado en Dinamarca comprobou que apenas un vaso de viño diario reduce o risco de ictus case nun 40%.

Como incorporalo á nosa dieta:

– Combinar uvas cos snacks habituais. Engadindo uvas aos guisos e pratos de carne, e ata salpicando algunhas uvas nas ensaladas.

Advertisements

2 responses to “Alimentos para previr o ictus

  1. soy diabetico.. me pincho insulina.. y tengo el colesterol algo alto… que me recomiendas para bajar el colesterol…y el azucar …

    • Lo mejor que puedes hacer es seguir las pautas y consejos proporcionados por tu médico. A mayores, en el apartado de ‘Alimentación’ de nuestro blog ‘Envellecer con DCA‘ (dedicado a la promoción de hábitos de vida saludables para un envejecimiento activo) podrás encontrar consejos para reducir el colesterol y el azúcar con pequeños cambios en la dieta. ¡Gracias por contar con nosotros!

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s