O Sergas, obrigado a pagar o tratamento dunha enfermidade rara

sergas

Na actualidade, máis de 20 enfermos pelexan con comunidades autónomas que lles negan o mesmo tratamento.

Información extraída de Somos Pacientes.

O Servizo Galego de Saúde (Sergas) foi obrigado a financiar, por sentenza xudicial, o tratamento que necesita Patricio Losada, enfermo de 30 anos que padece desde 2007 Hemoglobinuria Paroxística Nocturna (HPN), quen decidiu denunciar á Xunta de Galicia cando esta se negou a costearlle o tratamento prescrito polo seu médico.

A HPN provoca unha destrución crónica dos glóbulos vermellos, unha fatiga intensa e un elevado risco de tromboses. O fallo do Tribunal Superior de Xustiza de Galicia ordena ao Sergas administrar a Losada o tratamento con eculizumab, “insolitamente omitido e denegado”, todo iso “sen outra presumible motivación que o aforro”. Este fármaco mitiga os síntomas da enfermidade e reduce o risco de tromboses, a principal causa de falecemento entre os afectados.

Antecedentes

En 2010, tras anos sen atopar ningún tratamento efectivo para a súa doenza, o médico do Hospital Comarcal de Valdeorras prescribiulle a Losada o fármaco, recentemente aprobado no noso país. O facultativo solicitou oficialmente o medicamento, pero tanto a Comisión de Farmacia do seu centro hospitalario como a do Sergas negáronse a costealo. Losada optou entón por demandar ao Sergas. Tras unha derrota xudicial en primeira instancia, no abril pasado, recorreu e o alto tribunal deulle a razón; en xuño o paciente empezou a recibir o tratamento. Desde entón, a súa mellora foi continua e hoxe leva unha vida practicamente normal.

Desde a Asociación de Hemoglobinuria Paroxística Nocturna, membro activo de Somos Pacientes e organización que brindou apoio a Patricio Losada en todo o proceso xudicial, recórdase que o eculizumab é o único medicamento autorizado e eficaz para diminuír o risco de tromboses e mellorar a calidade de vida destes pacientes, feito que a sentenza tamén considera demostrado.

Criterio médico-científico

Na actualidade, máis de 20 enfermos de HPN pelexan coas distintas administracións para poder recibir este tratamento, laméntase Jordi Cruz, presidente da Asociación que defende aos 350 afectados que se calcula hai en España, pero dos que só algúns requiren deste medicamento.

Cruz resalta que a sentenza “senta un precedente que antepon o criterio médico-científico por encima do económico e, ademais, reforza a importancia do papel do médico como verdadeiro coñecedor do que o seu paciente necesita e por encima de supostos comités de expertos que só valoran o custo dun tratamento”. “Considero que é un gran paso para todo o colectivo de pacientes”, conclúe.

O tribunal ditaminou que, ao denegar o tratamento, o Sergas vulnerou o dereito constitucional á vida e á integridad física e moral. Ademais, “prescindiu do criterio médico” e “interpúxose entre o facultativo e o seu paciente?.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s