Curso de voluntariado para a prevención do dano cerebral

Fotografía de Search Engine People Blog extraída de Flickr con licenza CC BY 2.0.

Fotografía de Search Engine People Blog extraída de Flickr con licenza CC BY 2.0.

A Dirección Xeral de Xuventude e Voluntariado e a Federación Galega de Dano Cerebral (FEGADACE) organizan un curso en liña sobre ‘Dano cerebral adquirido e prevención. Un espazo para a intervención dende o voluntariado’. O prazo de inscrición está aberto ata o 9 de maio ás 14:30 hh. O curso vaise desenvolver durante un mes, do 12 de maio ao 11 de xuño.

Esta actividade formativa está dirixida a persoal técnico e voluntariado das entidades inscritas no Rexistro de Acción Voluntaria da Xunta de Galicia. A súa duración é de 20 horas, todas elas en liña, e ten como obxectivo capacitar ás persoas voluntarias para desenvolver e colaborar en actividades destinadas á prevención do dano cerebral adquirido (DCA).

O curso está estruturado en tres módulos. O primeiro deles titúlase, a modo de introdución, ‘As persoas con Dano Cerebral Adquirido’, e nel aportarase información de contexto sobre a discapacidade e a súa incidencia en Galicia. O segundo módulo está dedicado a ‘A importancia da prevención e a información’. Detalla os factores de risco e incide nas maneiras de promover a súa prevención, dependendo das diferentes causas do DCA (se para o ictus é importante promover uns hábitos de vida saudábeis, no caso dos traumatismos cranioencefálicos é fundamental evitar accidentes de tráfico desde a educación viaria). Por último, o terceiro módulo dedícase a ‘O papel do voluntariado no eido da información e prevención coas condutas de risco’, dividindo as recomendacións en diferentes espazos de intervención: asociacións, escolas, centros de día, recursos sociosanitarios…

A formación vai estar titorizada pola traballadora social e directora da Asociación de Dano Cerebral de Lugo (ADACE), Vanesa Mariño, que atenderá as dúbidas e aportacións do alumnado a través da plataforma dixital. Todos os contidos do curso están elaborados por FEGADACE e fundamentados na experiencia tanto de prevención como de voluntariado das cinco asociacións de dano cerebral federadas.

A matriculación -gratuíta- tramítase desde a Plataforma de Teleformación de Voluntariado, na páxina web Voluntariado Galego, cubrindo un pequeno formulario de inscrición.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s