Dous intres da sinatura do convenio.
Información extraída da páxina web de ADACECO.
Trala sinatura deste convenio de colaboración as persoas que dispoñan do carné de socio/a de ADACECO poderán gozar dunhas condicións especiais para o acceso ao servizo particular de Teleasistencia Domiciliaria da Cruz Vermella.
É un servizo de prevención que comunica á persoa usuaria cunha central da Cruz Vermella, e que ofrece unha resposta inmediata en situacións de emerxencia, as 24 horas do día e os 365 días do ano. Proporciona seguridade para a persoa usuaria e tranquiliadade para a súa familia sabendo que terá unha atención inmediata.
Instálase no domicilio da persoa usuaria un terminal, conectado coa liña telefónica. O equipo compleméntase cun pulsador remoto en forma de colgante ou pulseira que a persoa usuaria debe levar posto mentres está no seu domicilio, mesmo no baño ou na ducha.
As solicitudes serán canalizadas desde o servizo de Traballo Social de ADACECO.
FEGADACE 