Información extraída da páxina web de FEDACE.
O pasado sábado 14 de xuño reuníronse en Madrid os representantes do movemento asociativo de persoas con Dano Cerebral Adquirido e familias para participar na Asemblea Xeral de FEDACE.
Ademais de aprobar a memoria de actividades e as contas do ano 2013, fixáronse as directrices de actuación futura poñendo especial énfase nas actividades orientadas a:
- Continuar a loita polo recoñecemento do DCA como unha discapacidade específica que necesita unha abordaxe especial para unha valoración axustada e un tratamento acorde ás súas necesidades no espazo sociosanitario.
- Mellorar o coñecemento sobre o dano cerebral facendo partícipe á sociedade de que o ictus, os traumatismos cranioencefálicos, os tumores cerebrais e outras causas sobrevidas teñen como consecuencia común o DCA; e pódese e débese actuar para mellorar a autonomía persoal e a inclusión social das persoas con DCA e das súas familias.
- Traballar na extensión e cohesión do movemento asociativo como instrumento ao servizo das persoas con Dano Cerebral Adquirido e as súas familias. Tamén como referencia de liderado na loita polos seus dereitos para facer efectivo o noso lema ‘Unha vida salvada merece ser vivida’.
Na reunión do sábado tamén se produciu a renovación de tres vogalías na Xunta Directiva da federación, para as que a Asemblea elixiu ás asociacións de ATECE – Araba, Sarela – Santiago de Compostela e Camino – Valladolid.
Tras ser aprobada na Asemblea; a memoria de actividades foi publicada na web de FEDACE. Pódese descargar na seguinte ligazón.