Campaña da DGT contra os accidentes ‘in itinere’

Cartel da campaña.

Cartel da campaña.

A metade dos condutores falecidos nas estradas en 2013 fixérono en horario laboral.

Información extraída de Europa Press.

Máis de 800 das máis de 1.600 persoas que faleceron nas estradas españolas o ano pasado, fixérono en horario laborar, é dicir, de luns a venres entre as 07.00 e as 20.00 horas, segundo explicou a directora xeral de Tráfico, María Seguí, quen mostrou a súa “preocupación” por este tipo de accidentalidade. Por este motivo, a DGT iniciou este luns, e ata finais de setembro, unha campaña informativa sobre accidentes ‘in itinere’.

Segundo declarou Seguí aos medios, sempre se tende a buscar a culpa noutro, pola necesidade de buscar un único culpable, cando “a realidade está moi afastada desta simplicidade”. “É certo que os accidentes e as consecuencias, ás veces, teñen circunstancias peculiares, pero a realidade é que, de luns a venres de sete da mañá e as oito da tarde, ocorren accidentes a cotío, que raras veces saen na prensa e que, ao final de ano, suman practicamente entre 800 e 1.000 mortos”, explicou.

Con esta iniciativa, Tráfico quere “chamar a atención sobre como ao final do día, non é culpa de ninguén, senón un pouco de culpa de todos” e que “no cotián está a responsabilidade acumulada que leva a ter aínda este inmenso número de falecidos que é evitable se cada un, en cada momento, é consciente de que estas accións teñen implicaciones fatais”.

Outra das preocupacións de Seguí é que as cifras de sinistralidade en horario laboral están “estancadas”. Concretamente, indicou que “son as mesmas desde fai unha década”, por iso é polo que o seu departamento ve a necesidade de levar a cabo esta campaña informativa que, ademais dos usuarios do coche, tamén vai dirixida á súa contorna directa, como familia, amigos ou compañeiros de traballo, para que sexan conscientes que calquera dos seus actos poden supoñer un risco engadido para a persoa que vai conducindo.

Neste sentido, Seguí recordou a importancia de “non chamar” a quen está ao volante. “Non están cuantificados os accidentes que coinciden con chamadas, pero a sociedade é consciente de que isto ocorre e da perigosidade desta práctica”, declarou, para recordar que existen dispositivos que desvían as chamadas cando se está conducindo e, en referencia aos achegados, que pensen que se alguén non lles contesta é porque está conducindo.

Obxectivos da campaña

Os obxectivos da campaña informativa son concienciar de que nos traxectos de ida e volta ao centro de traballo hai un risco de accidente que se pode coñecer e previr; sensibilizar á contorna dos condutores, para evitar que, coas súas accións e comportamentos sexan un factor de risco engadido; e difundir outras opcións de mobilidade alternativa ao vehículo propio, tales como o uso do transporte público, a bicicleta ou traxectos a pé.

Para iso, a DGT aposta pola implicación das empresas na seguridade viaria, xa que, á marxe das consecuencias humanas que poidan ter, supoñen uns elevados custos económicos, tanto para as compañías, como para a Administración e a sociedade en xeral.

Por este motivo, Seguí, enviou un e-mailing a máis de 50.000 empresas (grandes e pemes) no que se informa das dramáticas consecuencias que teñen os accidentes ‘in itinere’ e a necesidade de incluír a seguridade viaria nos plans de prevención de riscos laborais.

Para fomentar a adhesión das empresas a esta boa práctica e fomentar a información sobre este tipo de riscos laborais, as empresas dispoñerán dun enlace directo www.haztuparte.es no que se poden descargar un cartel de aviso e concienciación para poñer nas máquinas de fichaxe.

A idea é lanzar un impacto directo aos traballadores todos os días no que se lles recorde que o desprazamento da casa ao traballo e viceversa é un tramo de concentración de accidentes, no que hai que poñer toda a atención porque ‘o traballo máis urxente é seguir vivo’.

Ademais, creouse un spot para televisión e un para a canle que a DGT ten en Youtube no que a través de diferentes situacións se representa como en ocasións “non é necesario estar na estrada para provocar un accidente”.

Tamén se crearon varias cuñas radiofónicas, cuxa emisión coincidirá coas horas habituais de entrada e saída dos centros de traballo, a través das cales se enviarán mensaxes da importancia deste tipo de accidentes e como as présas, o estrés, o tráfico ou as accións dos demais poden acabar nun fatal accidente.

Radiografía dos accidentes de tráfico laborais

A DGT informou de que a media de idade dos traballadores que sufriron un accidente laboral de tráfico é de 36,7 anos. Con respecto ao xénero, os homes sofren o 58,1 por cento dos accidentes laborais de tráfico mentres que as mulleres o 41,9 por cento.

Do mesmo xeito, apunta que sete de cada dez accidentes laborais de tráfico prodúcense ao ir ou volver do traballo e que en máis da metade dos accidentes laborais in itinere (58%) había un automóbil implicado no accidente, un 11 por cento unha motocicleta e un 0,1 por cento camionetas e furgóns.

Ademais, os días laborais de luns a venres prodúcense o 90 por cento dos accidentes laborais de tráfico. O día que acumula máis accidentes deste tipo son os luns, aínda que a diferenza co resto dos días non é destacable, segundo apuntou a DGT, que apunta que as horas de máxima concentración de accidentes coinciden coas horas habituais de entrada e saída dos centros de traballo.

Rutina, présas e distraccións: malas conselleiras

Como a seguridade no traballo comeza ao saír da casa, Tráfico aconsella aos condutores evitar os traxectos rutineiros. Así, suxire que o condutor debe estar atento ás circunstancias puntuais do tráfico e adecuar a súa condución ás mesmas.

Tamén aconsella evitar ir con présas, usar o “mans libres” só para conversas curtas e nunca para conversas longas ou nas que se traten temas complexos; e evitar as distraccións e concentrarse na condución.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s